Atzo, martitzena, goizeko 07:00ak aldera, Arrasaten "sexu erasoa" gertatu zela salatu dute ehunka arrasatearrek. Azaltzen dutenez, txosnagunearen inguruan gertatu zen erasoa, Pablo Uranga kalean. Emakume baten kontrako ustezko erasoa "emakume guztion kontrakoa" dela azpimarratu dute Txosna Batzordeko kideek eta iragarri dute gaur, eguaztena, 20:00etan elkarretaratzea egingo dutela txosnagunean.
Beldurrak gurekin jai, erasotzaileak sutara lelopean egingo dute gaur arratsaldeko elkarretaratzea eta herritar guztiei bertaratzeko deia egin diete, sexu erasoak ekiditeko ardura "guztiona" delako. Txosna Batzordearen arabera, erasoa ez da San Juan jaietan gertatu den ustezko eraso bakarra izan, eta horren aurrean guztion konpromisoa eskatu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
