Sanjuan eguna hasteko, entzierroan korrika egitera joan dira gazte ugari. Behi suharrak fin portatu dira ibilbidean eta ondoren batek baino gehiagok ipurdiko ederrak hartu ditu. Ondoren, erraldoi eta kilikien konpartsak kalejira egin du herriko kaleetan zehar eta bertan ere gustura ibili dira haur, gazte zein nagusi. Eguerdi aldera, berriz, Herriko Plazan ohorezko aurreskua era San Juan zortzikoa dantzatu dute.
Bihar, ostera, haur eta gaztetxoen eguna izango da eta Eguzkilaruren bisita izango dute txikienek. Bitartean, baina, sanjuanekin disfrutatzeko aukera dago. Baita Goiena telebistaren bitartez ere. Gaur 20:00etan, 21:00etan eta 22:30ean Debagoiena zuzenean saioan ikusi ahal izango duzue atzoko gauak eta gaurko egunak eman duena, modu zabalago batean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.