Hasi dira sanjuanak!

Txupinazoarekin hasi dira ofizialki 2014ko sanjuanak. Txosnagunean izan da suziri jaurtiketa eta aurten Oxel Azkarate iheslari ohiak hartu du hitza. Besteak beste, jaiez herrian gozatzeko aukera izango ez dutenak izan ditu gogoan Azkaratek. Hamar urte bete dira sanjuanak herrian ospatu ez dituela: "Giro ona dago, jendea pozik; badira gauza batzuk aldatzen ez direnak", esan du. Jaiak hasita, kuadrillak trikipoteoan hasi dira, giro ederrean, arrosa koloreko kamisetekin jantzita. Eguenera arte, festa giroak ez du etenik izango. [ARGAZKIAK] 

Hala ere, arrasatearrak astebukaeran hasi ziren San Juan jaiak ospatzen. Besteak beste, zapatuan Dragoi Jan herrikoia izan zen eta urteroko ohiturari jarraituz, jendetza batu zen txuletak afaltzeko. Ondoren, dagoeneko klasiko bihurtu den dragoi tribiala jokatu zuten. Ekaitz arriskua zela medio, aurtengo afaria Uarkapen izan zen, eta 300 pertsonatik gora bildu ziren.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.