Haurren danborrada, Arrasaten [ZAPATUA, 19:00]

Iazko danborradako une bat.
207 neska-mutikorekin egingo da aurtengoa. Bihar izango da, eta Ibilbideari 19:00etan ekingo diote, betiko legez, ospitale osteko kaletik.

Danbor, barril eta makilen harrabotsen artean bihar beteko dituzte herriko txikienek jaien iragarle lanak. 19:00etan aterako dira neska mutikoak ospitale atzeko kaletik eta ohiko ibilbidetik gora, ordu eta erdiren buruan, gutxi gorabehera, helduko dira plazara Arrasate Musikaleko bandaren laguntzarekin.

Azken ukituak

Entseguetan buru-belarri azken asteetan jardun eta gero parte-hartuko duten 207 umeak gertu daude biharko. Azken entsegua bihar egingo dute, Gaztelupen, goizean, eta 18:00 aldera batuko dira ordurako eskoziar, sukaldari eta bestelako uniformeak soinean eta prest. Ohi bezala, Garibai, Biteri, Maala eta plazatik pasatuko da danborrada.

Karrozak itxura berria izango du

Aldaketa handirik ez du izango aurten haurren danborradak baina bai berritasun txiki bat karrozari dagokionean. Itxura aldatu eta ukitu berriak eman dizkiote haurren danborradako karrozari. Masta bat erdian eta haren puntan marrazki bizidunetako dragoi baten itxura duen irudia ipini dute elementu nagusi moduan. Bihar 48 haur txiki joango dira karroza berrian.

Karroza berria, SUDCekoen biltegian.

Erlazionatuak

Aste Zapatistako egun nagusia, Eskoriatzan [ZAPATUA]

Eskoriatza

Astean zehar askotariko ekintzak egin eta gero, bihar, zapatua, ospatuko dute Aste Zapatistako egun nagusia, Eskoriatzan.
Arrasatearak eta suediarrak elkarrekin kantuan [DOMEKA, 20:00]

Arrasate

Estokolmoko eta Arrasateko hainbat abeslarik; bata bestearen herrialdean kontzertuak egin zituzten elkarrekin, lagunarte polita osatuz guztien arte...
Imanol Ituiño magoa, Bergarako gaztetxean [EGUBAKOITZA, 22:30]

Bergara

Gaurtik hilaren 22ra arte, era askotako ekintzak egingo dituzte 14. urteurrena ospatzeko. Gaztetxe eguna hilaren 21ean egingo dute eta dagoeneko ap...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.