Europako Hauteskundeak

Agerraldia bertan behera utzi du Ezker Anitza-IU Iratzarri-EKI-k

Isabel Carrasco, Leongo Diputazioko presidentearen erailketa dela-eta, Ezker Anitza-IU Iratzarri-EKI alderdiak, bertan behera utzi du Leire Martinez eta Iñigo Martinez hautagaiek Arrasaten egin beharreko agerraldia.

Debagoienean egin behar zuten agerraldi bakarra zen gaurkoa baina Leongo Diputazioko presidentearen hilketaren berri izan ostean, bertan behera uztea erabaki dute.

Carrascok hiru tiro jaso ditu arratsaldean bere alderdiko egoitzara, PPren Leongo probintziako presidentea zen, zihoala. Bi lagun atxilotu dituzte heriotzarekin lotuta eta Espainiako Barne ministerioaren arabera, gai pertsonalekin lotura izan dezake tiroketak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.