Pilotariez gain baina Aspe eta Asegarceko Iñaxio Errandonea eta Iñigo Salbidea egon dira bertan. Biek azpimarratu dute, Astore pilota munduan sartu zenetik 1988an, berau asko aldatu dela, eta duela urte batzuk partidu berean bi edo hiru kamiseta erabili behar bazituzten pilotari batzuek, oraingo kamisetekin askoz ere erosoago jokatzen dutela. Diseinuari dagokionez, Aspeko kamisetak, itxura klasikoagoa dute; Asegarceretan ostera, forma geometrikoek mugimendua islatzeko helburua dute. Hala ere, lau pilotariak pozik agertu dira kamiseten kalitate eta itxurarekin.
Arropa berriak datorren maiatzaren 4ean Bilbon jokatuko den finalean estreinatuko dituzte bikoteek, eta biek ala biek, garaipenarekin estreinatzea nahi dituzten arren, orain arte egindako lanarekin pozik agertu dira.
