Uriguen diputatuak Candy eta Kiro-Robotics enpresak bisitatu ditu

Debagoieneko enpresen egoera bertatik bertara ezagutzeko asmoz, Jon Peli Uriguen diputatua Bergaran eta Arrasaten egon da gaur. Candy etxetresna enpresa eta Kiro-Robotics, medikuntza arloan berrikuntza ardatz moduan duen enpresa bisitatu ditu.

Bergarako Candy eta Arrasateko Kiro-Robots enpresak bisitatu ditu gaur Jon Peli Uriguenek; Gipuzkoako Foru Aldundiko Berrikuntza, Landa Garapeneko eta Turismoko diputatuak. Bisiten helburua, bi enpresen egoera eta jarduera lehenengo pertsonan ezagutzea izan da, enpresen beharrak entzuteko asmoz. Bisita Bergarako Candy etxetresna enpresan hasi du diputatuak. Ostean Arrasateko Garaia Berrikuntza gunera etorri da, eta Kiro Robotics enpresako kideekin bilera egin du. Enpresa gaztea den arren, 2011an jaio zen, medikuntzan oinarrituriko berrikuntzagatik apustua sendoa egin du.

Kiro Roboticsen bulegoetan, enpresaren nondik norakoak azaldu dizkiote diputatuari Aretxabaletara joan aurretik. Izan ere, Kiro Robotics enpresak Garaia Berrikuntza Gunean bulegoak dituen arren, Aretxabaletan ekoizten ditu makinak Mondragon Assenblyrekin elkarlanean. Diputatuak, sektore zail batean lehiatzen direla azpimarratu du eta egin duten esfortzua goraipatu du. Horrez gain, Gipuzkoan eta Debagoienean berrikuntzak duen garrantzia aipatu du eta etorkizunera begira gakoa izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.