2013ko martxoan ipini zuen Gipuzkoako Garraioaren Lurralde Agintaritzak MUGI sistema bateratua martxan eta 2014ko urtarrilera bitarteko datuak kaleratu dituzte. Hala, 157.597 izan dira Arrasateko hiri autobusean denbora tarte horretan eginiko bidaiak.
Gipuzkoa osoan, tarifa-bateratu sistema ezarri denetik, 60.000.000 bidaia baino gehiago egin dira garraio publikoan.
Arrasateko kasuari dagokionez, esan bezala, 157.597 izan dira guztira iazko martxotik aurtengo urtarrilera bitarteko bidaiak; horietariko 130.288, gainera txartelarekin ordaindu dira eta 27.309 izan dira, ostera, esku-dirutan ordaindutako bidaiak.
Horrez gain, 1.766 izan dira hiri-autobusaren erabiltzaileak.
