BARIKUA • 'Erdaldun berrien kluba' AEDren eskutik

AED euskara elkarteak estreinatzeko prest du elkarteak ekoitzi duen duen bigarren antzezlana: 'Erdaldun berrien kluba'. Bihar, egubakoitza, erakutsiko du lehenengoz Arrasateko gaztetxean, 22:30ean. Sarrerak 2 eurotan.

Idoia Etxeberria oñatiarrak idatzitako gidoia da Olatz Pagaldai Eskoriatzako aktoreak oholtzara eramango duena.

Irantzu, erdaldun berriaren bakarrizketa

Irantzu da istorioaren protagonista; euskaraz pentsatzen, euskaraz sentitzen eta, ahal duen guztietan, euskaraz diharduen neska eskoriatzarra. Horrek hamaika arazo sortuko dizkio egunerokotasunean; bada, bizipen horien kontaketan oinarritzen da antzezlanaren hari nagusia: "Euskaraz bizi garenok erdaldun berriak gara, gazteleraz hitz egiterakoan esan beharrekoak pentsatu eta askotan hitzak faltan ditugu-eta", azaldu du aktoreak.

'Buah txabal' lanaren ondorengoa

Aurreko lanean moduan, oraingoak ere publikoarengan euskararen erabileraren inguruko gogoeta bultzatzea du helburu nagusi, AEDko Maite Agirreren esanetan, betiere umore klabean landuta, eta gaineratu du euskaldunontzat antzezlan terapeutikoa izan daitekeela.

Emakumearen ikuspegitik landutakoa da estreinatzear duten  lana, hizkuntza-transmisioaren eta genero rolen inguruko gogoetak ere eraginez horrela.

Erlazionatuak

BARIKUA • Zumalakarregi zonbia protagonista duen 'Joxean's Hileben' Bergarako gaztetxean

Bergara

Gaur iluntzean, 20:00etan hasita, Bergarako Gaztetxeko zineklubaren baitan, 'Joxean's Hileben' lana ikusteko aukera egongo da. Horren ostean, gaine...
BARIKUA • Governors eta Bide Ertzean Gaztelekuko oholtza gainera

Oñati

Bi talde handi igoko dira Oñatiko Gaztelekuko oholtzara gaur, 22:30ean hasita. Hain zuzen ere, Bide Ertzean eta Governors talde beteranoek hartuko ...
ZAPATUA • Never Surrender eta The Potes, Arrasateko gaztetxearen alde

Arrasate

Never Surrender eta The Potes taldeek Arrasateko gaztetxearen aldeko kontzertua eskainiko dute zapatuan, hilak 15 (22:30). Bi taldeek bat egin dute...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.