Arrasateko Udalak hondakinen arazoaren gaineko kezka azaldu du gaur goizean, beste behin ere. Herritarrak gaiari buruz gero eta gehiago sentsibilizatzen eta kontzientziatzen ari direla aitortu du, baina horretan jarraitu beharra dagoela gaineratu. Helburu hori lortzeko bidean bi ekimen aurkeztu ditu: hiri-hondakinen kudeaketaren inguruan analisia egiteko eratzen ari den kontseilua, batetik; eta, bihar bertan hasita, auzoz auzo izango diren hitzaldi informatiboak, bestetik.
