Hondakinen kudeaketa lantzeko kontseilu informatiboa sortu behar du Arrasateko Udalak, "hondakinen kudeaketak dituen arazoak ezagutu ostean, Arrasateko eragileek iritzia ematea eta proposamenak egitea" helburu duena. Herriko elkarte, ikastetxe, auzo-alkate, alderdi politiko, sindikatu eta bestelako eragileri dagoeneko egin diete parte hartzeko gonbita. Eta horiekin batera, herritarrez osatutako zerrenda bat zabaltzea erabaki dute. Parte hartzeko interesa daukanak maiatzaren 3ra arte eman ahal du izena, BAZen (943 25 20 00).