Gesalibarko Aldape baserriko bizilagun bat hilda atera dute, beste bat ospitalera eroan dute eta hirugarrena hondakinen artetik atera nahian dabiltza. 07:15ean konturatu dira bizilagunak Aldape baserria hondoratuta zegoela. Poliziari abisatu diote, eta harrezkero bertan dira erreskate taldekoak bizilagunak atera nahian. Ertzaintzak emandako informazioaren arabera, senar-emazteak eta koinatua bizi dira bertan. Emaztea ateratzea lortu dute, larri, traumatismo ugarirekin. Senarra oraindik barruan dago, eta hirugarren bizilaguna ez dute lokalizatu momentuz. "Itxura txarra dauka kontuak", adierazi dute Herrizaingo Sailetik.
