Munduko beste toki batzutan dauden enpresa, zerbitzu edo pertsonekin biltzeko, jada ez da beharrezkoa fisikoki mugitzea; Skype edo bideo-konferentzia bidez egin daiteke eta, orain, baita TelePresentzia zerbitzu berriaren bitartez ere. Azken bide hori erabiltzeko aukera eskaintzen duen gela eta zerbitzua jarri dituzte Arrasateko Garaian eta goizean egin dute aurkezpena. Andoni Gartzia zuzendariak esan du helburua ez dela negozio bide berri bat irekitzea, berrikuntza gunearen eskaintza osatzea baizik.