Azoka biziberritzeko egitasmoaren barruan, etorkinekin elkarlanean dihardute Ekin Emakumeak elkarteak eta Bagarak. Asmoa: gurean bizi diren etorkinen iritziak batzea eta partehartzea lortzea, Arrasateko azokarako. Hasierako partaidetza ekainaren 16ko baserritarren azokan gauzatuko da: etorkinek nork bere herrialdeko jakiak prestatu eta azokan dastatzeko ipiniko dituzte. Gaur, eguaztena, "proba" egin dute Ekin elkartearen kanpoko aldean, euren jakiak bertan prestatuz.