Iñigo Arregi eskulturagile arrasatearra albiste da berriz ere, bere lan bat inauguratu berri baitute euskal eskulturagileen museo ireki bilakatu gura duten Trapagako Meatzaldea Goikoa parkean. Zeru ertzari begira da bere izena. Egindako lanarengatik zoriondu egin dute Arregi eta bera ere gustura geratu da emaitzarekin; "zoragarri" geratu dela kontatu digu. Horrekin eta Parisera eramandako bildumarekin izandako harrera onarekin, esan beharrik ez dago, momentu bikaina bizi duela Arrasatekoak.