Astelehen eguzkitsua 08:30ean esnatu da Arrasaten, gaiteroen doinu indartsuen dianarekin. Zezenak badatozela iragarri eta haien bidea garbi dagoela ziurtatu dute 09:00ak bitartean. Gero, di-da batean pasa dira zezenak plazara bidean, eta han, plaza bete duten herritarren aurrean jardun dute euren aurrera salto egitera ausartu diren gazteak harrapatzeko ahaleginetan.