Jai giroak jarraitzen du Arrasaten, asteburu sutsu baten ostean. Primerako eguraldiarekin eta parte-hartze handiarekin, aitzakiarik gabe joan da bariku arratsaldeaz gerokoa. Sua, dantza, danborrada, dragoi jana… Sanjuanetan ondo errotuta dauden ekintzek ez dute hutsik egin, intzidentzia bat edo beste izan bada ere tartean: gazteek beharrean, garabiak jaso behar izan du makala.