Arrasateko udaletxeko osoko bilkuren aretoa bete egin zen atzo, eguaztena, iluntzean, Guardia Zibilaren eta Frantziako Poliziaren azken operazioa salatzeko, atxilotutako Kepa Arkauz eta Julen Mendizabal arrasatearrek jaso dezaketen tratuagatik kezka azaltzeko eta atxilotuei zein euren senitartekoei babesa erakusteko. Amaia Larrañaga Bilduko zinegotziak eta Iker Hernandez Ikasle Abertzaleak taldeko kideak egin zuten berba agerraldian. Bihar, egubakoitza, manifestazioa deitu zuten 'Gatazkaren konponbidean atxiloketarik ez' lemapean; Seber Altubetik irtengo da, 19:30ean: "Ideologia eta siglen gainetik, etorkizuna iraganeko estrategia antzuekin eraiki ezin denaren ustea duzuenok gonbidatuta zaudete", adierazi zuen Hernandezek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
