Aretxabaletako Udalak kale-garbiketa zerbitzua indartzeko hiru makina berri ekarri ditu. Hala, baliabide gehiago jarri ditu zerbitzuaren esku, ia 584.000 euroko aurrekontuarekin. Kaleak garbitzeko erabiliko diren hiru makinak dira: hainbat eginkizun egiten dituen makina, garbitzaile elektrikoa eta eskuzko garbitzaile elektrikoa.
Eginkizun askoko ibilgailuak eskailerak pistolatu, txiza eta kaka puntuak garbitu, paperontziak garbitu, eta pankartak eta kartelak kendu ditzake. Garbitzaile elektrikoak orain artekoa ordezkatuko du, baina aukera gehiago ematen ditu: hirugarren eskuila bat du, ur-pistola bat eta hustubideak garbitzeko xurgatze-hodi bat. Azken hori ere badu eskuzko garbitzaile elektrikoak. Kaleak garbitzeko makina berriak martxan egongo dira Aretxabaletako jaietan.
Jaietarako plangintza
Kale-garbiketarako makina berriak aurkezteak gai, Andramaixetarako garbiketa planaren berri eman du Udalak: abuztuaren 14tik 18ra hamar langile egongo dira, kale-garbigailu berria eta zaharra erabiliko dituzte, eta baita eginkizun askoko ibilgailu berria eta eskuko garbitzailea. Azkenik ureztatze-kamioi handi batek garbitu ditu txiza eta bestelako arrastoak.