Aurkezpena hasi aurretik, Eñaut Agirre eta Jon Sarasuak bertso bana eskaini zioten Bësákkò lagunari, omenaldi modura. Bësákkò Ekuatore Gineako Malabo uharteko artista da, eta Garabiderekin harreman estua du. Izan ere, iaz Euskal Herrian egon zen Adituen Ikastaroan parte hartzen, bere herriko hizkuntza biziberritzeko proiektuarekin lotuta.
Artista bubiarentzat, erakusketa honek Biokoko bere sustraiak eta Euskal Herrian jasotako ideiak uztartzen ditu. Bere lanetan, herri bubiaren kosmobisioa eta emakumearen figura agertzen dira, ugalkortasunarekin, bizitasunarekin eta komunitatearekin lotuta. Erakusketaren irekieran egilea bera izan zen bertan, eta bere jakintzatik abiatuta azaldu zizkien ikusleei lanaren atzean dauden ideiak eta sinboloak.