Aretxarte merkatarien elkartea Gabonetako iragarkia grabatzen aritu da asteburuan. Kepa Errasti izango dute bidelagun, beste behin, eta, AZ Visual mediako lagunak ari dira grabaketa lanetan. Gaurko grabaketarako herritarrei eskaera egin diete, 12:00etan, Mitarten batzeko, eta, bertan iragarkiko grabaketa zati bat egin dute, korrikaldi bat irudikatuz.
Jende kopuru handia batu da herriko merkatarien Gabonetako iragarkiarekin bat egiteko, eta, Kepa Errastiren atzetik korrika egin behar izan dute herritarrek. Errastiren atzetik, Aretxarte merkatari elkartekoakj joan dira, eta, ondoren hitzordura batu diren gainerako guztiak. Zenbait eszena grabatu dituzte, eta, umore ona izan da nagusi grabaketan.
Mikel Alberdi eta Kepa Errasti grabaketa hasi aurretik.
'Forrest Gump'-en paperean korrika
Iragarkiaren nondik-norakoak ez dituzte azaldu gura izan, baina, Kepa Errasti Forrest Gump pelikulako Bubba gump shrimp Company-ko bisera batekin eta alkandora batekin agertu da korrika egiteko asmoz. Han aurreratu dutenez, abenduko zubirako dute aurreikusita lana ikusgai jartzea.
