Badira urte batzuk kulturartekotasun bazkaria egiten hasi zirela, eta egonkortzen ari den ohitura dute Aretxabaletan. Bertan bizi diren jatorri ezberdinetako herritarrek bakoitzak bere herrian jan ohi dituzte platerak eramaten dituzte eta gainerakoekin partekatu, hango eta hemengo jakiak probatuz. Aurtengo topaketa gaur eguerdian egin dute, musikak girotuta. Plazan izan da, gainera, lehenbiziko aldiz, errealitatea kanpora atera eta erakusteko asmoz.
Gu Haziak Gara elkarteko Joana Manzisidorren esanaten, urtetik urtera handiagoa da Aretxabaletan bizi diren jatorri ezberdinetako herrialde kopurua, eta aurtengo bazkarian ere plater asko izan dituzte probatzeko eta jateko moduan, adibidez, Paraguayko Chiparazu, Nikaraguako entxiladak Euskal Herriko atuna, tomatea eta tipularekin edo Aljeriako bulaka eta pastela.
Kulturarteko bazkaria, bazkaria bera baino herritarrak elkarrekin saretzeko eta elkar hobeto ezagutzeko ekimena ere bada, Gu Haziak Gara elkartekoen esanetan.
