Uda eta Durangoren arteko neurketa Aretxarteko Merkatari Elkartekoei aitortza eginez hasi da. Aretxabaletan bizi, erosi! lelopean, Aretxarte Eguna ospatu dute eta UDAko jokalariak, staff teknikoarekin batera talde argazkia atera dute. Ondoren minutu bateko isilunea egin dute UDAko presidente izandako Miguel Igartua gogoan –egubakoitzean hil zen, Aretxabaletako kirol elkarteko presidente izan zena 1965 eta 1967 artean–.
Bi gol eta txartel gorria lehen zatian
Lehenengo zatian aukera gehiago izan ditu etxeko taldeak, baina hobeto aprobetxatu ditu aukerak Durangok. 19. minutuan 0-1 jarri da markagailuan aurretik Durangoko taldea korner baten ostean gola sartu ostean. Burukada ederraren ostean, bigarren zutoienera pegatuta baloia errematatuta iritsi da durangarren lehenengo gola. Gero, bigarren gola, 40. minutuan sartu dute, eta, atsedenaldira joan aurretik txartel gorria jaso du Durango taldeko jokalari batek. Horrela amaitu da lehenengo zatia.
Atsedenaldian, berriz, Aretxarte bonuak banatu dituzte, eta, erronka ere izan da. Baloiarekin langa joz, 25 euroko bonoa irabazteko aukera izan dute UDAko kategoria ezberdinetako hainbat jokalarik. Gero bigarren zatian markagailuari buelta emateko gogoz irten dira Unai Calzonen mutilak berdegunera, eta 61. minutuan Josu Aizpuruaren gola iritsi da penaltiz. Hala ere 90. minutuak igarota, ezin izan dute bigarren gola egin. Hala, 1-2 amaitu da partidua.
Ohorezko erregional maila
Gizonezkoen Ohorezko Erregional Mailako partiduetan, berriz, bi berdinketa eta porrot bat izan dira debagoieneko taldeen emaitzei erreparatuta. Mondrak, etxean, Mojategin jokatu du Zarautz liderraren kontra. 1-2 galdu zuten arrasatearrek partidua, eta zarauztarrak hobeto aritu ziren.- Partidua hasi bezain pronto aurkarien gola jaso zuen Mondrak. Bigaren zatian 2-0ekoa, eta, partidua bukatu aurretik Mikel Aizpuruak gola sartu arren, ez da nahikoa izan puntuak batzeko.
Aloña Mendik eta Bergarak, berriz, etxetik kanpora jokatu dute biek, eta bi taldea puntu bakarrarekin bueltatu dirta etxera. Oñatiarrek bana egin dute mutrikuarren aurka, eta Bergarak eta Deustoren artekoan ez golik egon.
Emakumezkoak bikain
Emakumezkoen ohorezko erregional mailan, Bergarak 0-3 garaitu du Elgoibar. Hala, sailkapenean bigarren sailkatuak dirabergararrak Antiguoko liderrarekiko puntu batera. Emakumezkoen gorengo mailan, berriz, liderrak dira Debagoiena Bailarako neskak, Usurbilen kontra 2-2 egin ostean.
