Arribasek liburuaren nondik norakoak azaldu dituen bitartean, gerturatu diren guztiek liburua eskuartean edukitzeko aukera izan dute. Modu horretan, hizlariak egin dituen erreferentziak momentuan ikusi ahal izan dituzte.
Miguel Arribasek, liburuaren egileetako batek, zortzi urte daramatza hazigintzan oinarritzen den Aleka proiektu kolektiboan. Arribasek azaldu du, Argiak argitaratu duen liburu hori hazien munduaren erakusleiho bikaina dela.
Hazien edo baratze munduan interesa duen edonori zuzendutako liburua da. Baratza duen norbaitentzat erreminta bat izan daiteke eta interesa duen norbaitentzat hazien mundua ezagutzeko bidea.