Aretxabaletan aste berezia izan dute: Tomatearen Astea. Askotariko ekintzak izan dituzte, denak tomatearen inguruan antolatutakoak. Bada, gaurko azokak amaiera borobila eman dio asteari.
33 tomate barietate aurkeztu dituzte Euskal Herriko txapelketako lehen edizio honetara. 18 lagunek eman dute izena txapelketan eta epaimahaiaren arabera hauek izan dira irabazleak:
- Juan Pedro Santos (Iruñea): Sunbillako arrosa. 500 euro eta garaikurra.
- Alejandro Ulecia (Aretxabaleta): Aretxabaletako tomatea. 300 euro.
- Txomin Beitia (Eskoriatza): Aretxabaletako tomatea. 150 euro.
- Aipamen berezia: Aretxabaletako tomate onenari: Alejandro Ulecia, 150 euro.
Tomate deigarrienaren saria, herritarren botoekin hautatua, Irene Agirre aretxabaletarrak irabazi zuen, tomate morearekin.
Epaimahaiaren balorazioa
Epaia ematerakoan kontuan hartu dute tomatearen aroma, testura, oreka gazi-azidoa eta zaporea. Epaimahaia osatu dute: Josema Azpeitiak, Carlos Larreak, Urkidi Salaberriak, Aitzol Zugastik eta Federico Pachak.
Osoa Sukaldaritza & Ikaskuntza zentroko Anne Otegik pintxo ikastaroa egin du: tomatea oinarri duen pintxoak prestatu ditu.
