Udalak antolatutakoa kiroldegian egingo da eta txartelak –600, guztira– Arkupen erosi ahal izango dira, 10:00etatik aurrera. Kuadrillaka eman behar da izena, eta kreditu-txartelarekin ordaindu; helduen menuak 22 euroko prezioa du eta umeenak, 14 eurokoa –14 urte arte–.
Bazkari golfo-rako txartelak –400, guztira– Kixkor eta Urbaltz tabernetan erosi beharko dira, horiek zabaltzerakoan. Prezioa da 20 euro eta kasu honetan ere kuadrillaka eman behar da izena; hori egiterakoan, abesti bat proposatzeko eskatuko zaie.
Kuadrillak, gainera, hasita daude mozorroak gertatzen; Udalak utzitako lokaleko giltza, esaterako, zortzik dute hartuta.
Kartel lehiaketa
Bestetik, Kultura Sailak deitutako kartel lehiaketara urtarrilaren 29a baino lehen aurkeztu behar dira lanak; irabazleak 300 euro jasoko ditu.
