Hasiko diren lanek hainbat aldaketa ekarriko dituzte. Otalora kalera joateko, ibilgailuek Arkupe –Santakurtzeko sarreran– ondoko tunela zeharkatu beharko dute. Tunelaren altueragatik 2,6 metro baino gutxiagoko ibilgailuek bakarrik zirkulatu ahal izango dute. Eta, ibilbide horretan, zirkulazioa beheranzko noranzkoa izango du. Horrez gain, Express taberna aurreko edukiontziak lekuz aldatu dituzte, Santakurtz kaleko 7. eta 8. zenbakien arteko gunera.
Lurpeko azpiegiturak nola banatuta dauden ikusi ondoren, erabaki zuten obren azken bi faseak –bosgarrena eta seigarrena– aldi berean gauzatzea. Lanak Gabonetarako amaituta egongo dira.
Gaur egun lanean diharduten zatia
Bestalde, aurreko faseetako lanak azaroaren amaieran bukatuko dira. Momentu horretatik aurrera, bizilagunek Iparragirre eta Sarasate artean aparkatu ahal izango dituzte haien ibilgailuak. Gune horretako sarrera Amets tabernako kalea izango da.