Aretxabaletarrek 133 ekarpen edo proposamen egin zituzten orduan; proposamenen %27a haurren ingurukoak izan dira; hain zuzen, aretxabaletarren kezka nagusienetariko bat haur parkeak estaltzea da. Bestalde, proposamenen %18ak kirol arloarekin zerikusia izan du.
Alkateak nabarmendu du eskaera batzuk aurrez mahai gainean zituztenak direla; eta, eskaera berriak, saiatuko direla hurrengo urteetako plangintzan txertatzen.
Aretxabaletan jaso dituzten proposamenak, aztertu eta forma eman ondoren, diputazioaren aurrekontu irekietan sartuko dituzte. Azken fasean hamabi proiektu egongo dira; herritarrek, proiektuak hautatzeko aukera izango dute Internet bitartez.