Argindarraren prezioa gora eta gorantz doan honetan, etorkizuna nolakoa izango den zehazterako orduan, Udalek joka dezaketen papera "oso inportantea" dela gaineratu du Oterok. Era berean, egun bizi dugun egoera "nahiko larria" dela esan du.
Bestalde, urriaren 8rako argindarraren prezioaren igoeraren aurka iragarrita dagoen itzalaldian parte hartzeko gonbidapena egin die herritarrei.
Energia-mahaia
Argindarraren eta, orokorrean, energiaren kontuekin kezkatuta, energiaren beraren gogoeta egiteko taldea sortu du Aretxabaletako EH Bilduk. Bost lagunek osatzen dute energia-mahaia, baina, pertsona gehiago gura dituzte, ahalik eta proposamen gehiago jaso ahal izateko. Horiek guztiak helburu jakin batzuk bete ahal izateko.
Mikel Oteroren hitzaldia izan da taldeak dituen kezkak plazaratzen hasteko lehen hitzordua.
