Industrialdetik bueltan, Urkulurantz joateko edo Basabe baserritik herrirantz jaisteko hartu beharreko bidea adieraziko du seinalizazioak. Biribilgunea berriak GI-627 errepidearen erdiguneko lotura hau sinplifikatuko du. Unai Elkoro alkateak adierazi duen bezalaorain arte arazo batzuk eman ditu bidegurutzeak: "Bere egunean ematen zuena egin zen. Bertakoentzat ez zen hainbesteko arazoa, ingurukoek ezagutzen dutelako, baina, kanpotik zetozenak galduta aritzen ziren…".
Biribilgune berriak neurri hauexek izango ditu: 29 metro eta erdiko kanpoko diametroa eta 7 metroko eraztuna. Barnealdeko uharteak, berriz, 15 metro eta erdi neurtuko du.
Aurreikuspenen arabera, 10 asteko lanak
Proiektua 196.210 euroan esleitu dio Foru Aldundiak Otegi-Gaztañaga enpresari. Obren iraupena 10 astekoa izango dela kalkulatzen da, gauzak horrela, ibilgailuek Gabonetarako zeharkatu ahalko dute biribilgune berria. Erabiltzaileek honako erraztasunak edukiko dituzte ordutik aurrera: "Orain ondo geratuko da. Ez, soilik, biribilgunea, Ororutza, bidea gurutzatzeko zebrabidea egongo da, eta espaloiaz jarraitu dezakegu… Inporteaz Foru Aldundia arduratuko da, gainera, eta hala gainetik kentzen dugu egin beharretan genuen lanetako bat".
