019ko irailean laugarren deialdia egin zuen Aretxabaletako Udalak Deba ibaiaren ezkerraldeko ertzeko pasealekuaren lanak esleitzeko. Herriaren sarrera eta Markole auzoa lotzen dituen pasealekua 62 metrotan luzatu dute eta horrez gain, aireko argindar sarearen lurperatze lanak ere bukatu dituzte. Gune horretan lurraren baldintzak ez dira egokienak izan obrarako, ibai ertzean landare trinkoak daudelako eta goiko partean drenatze lanak egin behar izan direlako.
Laugarren deialdia behartu beharra
Lurraren baldintzez harago, baina, espero baino buruhauste handiagoak sortu dizkie lanok Aretxabaletako Udalari, enpresa eraikitzaileekin izandako gorabeherek eraginda.
Bergarako Contrucciones Artzamendi enpresa eraikitzailea arduratu da obra exekutatzeaz eta deialditik deialdira garestitzen joan ostean ia 300.000 euro inbertitu behar izan dira. Obra garrantzitsua Unai Elkororen arabera, zirkulazio handiko eremua delako.