Besaren ama martxoaren 7tik dago Txagorritxu ospitalean eta 8an esan zioten positibo eman zuela. Bazkaltzen ematera joan da hainbat egunetan, erizaintzako laguntzaileek duten lan mardula ikusita. Azken egunetan, baina, murriztu egin dizkiete bisitak eta ezin du halakorik egin. "Azken egunotan eskularruak eta maskarak bakarrik eman dizkigute eta orain hurbildu ere ezin naiz egin harengana, metro eta erdira egon beharra dut, gelako ezer ukitu barik. Ama badoa eta ezin naiz alboan egon…".
Etxean egon beharragatik kexaka dabiltzanei esan gura die gutxiago kexatzeko eta betetzeko esandakoa: "Jende asko dagoelako egoera are eta txarragoan".
