Belar artifiziala jarriko diote futbol zelaiari eta hori ureztatzeko sei aspertsore izango ditu. Berezitasun moduan, aipatu behar da, zelaia inguratzen duen hormarik ez duela izango eta irekia izango dela.
Azpimarratu behar da, UDAko taldeen furtbol partidak Ibarran jokatzen jarraituko dutela eta futbol zelai berri hau entrenamenduetarako soilik erabiliko dela.
Futbola indarrean dagoen kirola da Aretxabaletan eta horren adibide da UDA kirol taldeak egun 500 futbolari izatea. Ondorioz, talde guztiak Aretxabaletan entrenatzen jarraitu ahal izateko futbol zelai berri bat izatea beharrezkoa zela azpimarratu du Elkorok.
Hasiera batean futbol zelai berria irailaren 1erako zabalik izatea espero zen arren, eraikuntza-lanen atzerapena dela eta, hilabete beranduago, urrian irekitzea aurreikusten dute.
Futbol zelai berriaren aurrekontua 400.000 eurotakoa izan da eta Aretxabaletako Udalaren eta UDAren artean finantzatu dute.
