Hain zuzen, hurrengo bi urteetarako zuzendaritza talde berria zein izango den onartu da gaurko batzar orokorrean; Agurtzane Elkoro buru duen taldea izango da, eta apenas egongo da aldaketarik aurreko taldearekin alderatuta.
Ohikoa dutenez, UDAren sail ezberdinetako kirolariak saritu dituzte eta aipamen berezia egin dio Agurtzane Elkorok 40 urtetik gora pilota sailaren arduradun izan den Juan Mari Errastiri: "Ea gaur egun ze gazte dagoen prest 40 urtez halako lan bat egiteko". Errastik poz handiz hartu du garaikurra, sorpresaz: "Oraindik ere frontoian jarraituko dut baina ea baten bat prest dagoen lekukoa hartzeko".
Zuzendaritza berria
Zuzendaritza berrirako hautagaitza bakarra aurkeztu da, eta apenas egongo da aldaketarik. Agurtzane Elkorok jarraituko du presidente.
Diru aldetik "osasuntsu" dago UDA, baina Elkororen arabera "ezinbestekoa" izango dirua lortzen jarraitzea UDAk garatu nahi dituen proiektu guztietarako. Amaitzeko, batzarrean aipatu dutenez, espero dute futbol zelai txikia irailerako erabilgarri egongo dela.
Instalakuntzak hobetzeko erronka
Hurrengo denboraldira begira nobedade aipagarri bat da kirol kudeatzaile berri bat kontratatzeko asmoa dutela eta instalakuntzei dagokienez espero dute, batetik, irailerako erabilgarri egongo dela Ibarrako futbol zelai berria eta, bestetik frontoia berritzea. "Badakigu gure kirolarien kalitatea hobetzeko ezinbestekoa dela instalakuntzak hobetzea".