Lehen Hezkuntzakoek, jolasak Gaztetxoenendako, LHko 1. eta 2. mailetakoendako, Jolas-jolasien! programa zehaztu dute apirilaren 15 eta 17 arterako (10:00-13:00); ludotekariek dinamizatutako aisialdi eskaintza izango da: jolasak, naturarekin harremana… Prezioa 30 euro da.
LHko 3. eta 4. mailetakoek, ostera, euskal artisten lanak ezagutuko dituzte –Ibarraundi, Txillida eta Oteiza– hilaren 15etik 17ra bitartean (11:00-13:00), Arkupen. Prezioa 20 euro da.
LHko 5. eta 6. mailetakoek kimika eta esperimentazio tailerrak egingo dituzte Arkupen (11:00-13:00): labazko lanparak, bikarbonatozko sumendia, elur artifiziala… Prezioa 20 euro da.
Eta LHko 4. eta 6. maila artekoek orientazio astronomiko saioa eta izarren behaketa izango dituzte Arkupen (10:30-12:30). Prezioa 20 euro da.
DBHkoek, Gaztekonkis!
DBHkoendako eskaintza berrikuntzaz beteta dator, beste urte batzuetako Gaztekonkis! lehiaketa Erdi Aroko erronkekin uztartu dute eta; Atxorrotx gaztelua konkistatzera joango dira apirilaren 15ean eta 16an, egun osoz. Prezioa 10 euro da. Hiru sari zehaztu dituzte irabazleendako: Salting Iruñerako sarrerak, Realeko emakumezko taldearen partidurako sarrerak eta afari-merienda bat.