ALBISTEAK

Astelehenean irekiko da sanmigeletako kantu afarirako izen-ematea

Hilaren 28an, 29an eta 30ean ospatuko dira Aretxabaletan San Migel jaiak; iraileko azken asteburuan, urtero moduan. Egubakoitzean -hilak 28- kantu afaria herriko plazan edo Iturrigorri frontoian egingo den eguraldiaren arabera erabakiko dute. Edozein kasutan, astelehenean -hilak 24- jarriko dituzte salgai lehen 500 sarrerak.

Egun horretan bertan, jaiei hasiera emateko, Bergarako Erraldoi eta Kilikien Konpartsa eta gaiteroak izango dira, 19:00etan.

Biharamuna, zapatua, izango da egun handia: 40 bat postuz osatutako azoka, ganadua, taloak, trikitilariak edota joaldunak izango dira eta baita Balkoitik Balkoira saioa ere, Jon Maia eta Sebastian Lizasorekin. Eta eguna borobiltzeko, herri bazkaria, bolo txapelketa, dantza eta musika.

Domekan, azkenik, diana; doke eta mus txapelketak; aizkolari, harri-jasotzaile eta Iparraldeko jokoen erakustaldiak; eta sanmigeletako kontzertua, Aretxabaleta Abesbatzaren eskutik.

Asteburuaz gozatzeko deia egin du alkateak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.