Azpimarratu du Euskaltzaindiak jakin izan duela egokitzen azken urteetan izan diren teknologia aurrerakuntzetara, eta bizirik dagoen akademia dela, euskararen normalizazioaren aldeko apustu irmoa daukana.
Euskararen gaur egungo egoerari ere hitz egin du, nabarmenduz, ezagutza maila igo dela eta horretan asmatu dutela euskal gizarteak eta erakundeek, baina erabilera datuak kezkagarriak direla eta hor jarri behar direla indarrak.
Bestalde, erabilera horretan euskalkiek daukaten garrantzia azpimarratu du. Hala, adierazi du Euskaltzaindiak ez dituela inolaz ere euskalkiak baztertzen, eta hauen aldeko apustua ere beharrezkoa dela gaineratu du.
Azkenik, onartu du euskararen normalizazioan bakarrik ez, honen erabilera sustatzean ere badagoela zeregina datozen urteetan.
