Aretxabaletako Bizkaia kaleko Ibarra estankoan lapurretan egin dute, 12:30ak aldera. Herrizaingo sailetik adierazi dutenez, eskuko telefonoa eta dirua ostu dituzte. Andrazko batek labanarekin mehatxatu du estankoko langilea. Une horretan bakarrik zegoen estankoan dendaria.
Lapurretan egiteko, estankoa barrutik ixtera behartu du lapurrak. Lekukoek adierazi dute lapurreta gertatu eta berehala auto bat ikusi dutela abiadura azkarrean ingurutik ihes egiten. Autoan bi lagun zihoazen, andrazkoa eta gizonezkoa, lekukoen arabera. Lapurrak ihes egin duenean, alarmaren bidez ohartarazi ditu segurtasun indarrak estankoko jabeak. Ertzainak eta Aretxabaletako udaltzainak berehala gerturatu dira gertaera lekura.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.