Abereekin ibiltzeko aukera izan dute txikienek Otala Zelai Egunean

Otala Zelai Eguna ospatu dute Aretxabalean atzo. Hango krosa da ezaguna, baina gauza gehiago ere antolatzen dituzte; ohikoak dira, esaterako, poniak eta zezentxoak. Udal agintariak, bestalde, mugarrien itzulia egin zuten, aspaldiko ohitura berreskuratzeko asmoz.

Urteroko hitzordua zuten atzo aretxabaletarrek eta –besteak beste, krosaren aitzakian– bailaratik Otala Zelaira joan ohi direnek. Beste urtebetez poniek eta zezentxoek ume asko erakarri zituzten baina umeek ez ezik, nagusiek ere goiz pasa ederra egin zuten.

Udalbatzako kideak eta auzo alkate batzuk, berriz, aspaldiko ohitura bat berreskuratuz, herriko mugarrietatik mendi itzulia egin zuten eta ibilaldia Otala Zelain bukatu zuten.

Euririk ez zuen egin goiz eta eguerdi partean, eta umeek poniekin eta zezentxoekin ondo pasatzeko aukera izan zuten. Paella lehiaketa, ordea, bertan behera geratu da, eta arratsaldeko dantzak-eta Iturrigorri frontoira aldatu zituzten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.