Domekan hasiko du Markel Uriartek denboraldia, eta baliteke elur gainean izatea

Orbea Enduro Crew taldeko Markel Uriarte pilotuak domekan hasiko du enduro denboraldia, Madrilen. Eguraldi iragarpenak ez dira batere onak, eta Madrilera abiatu baino apur bat lehenago hartu gaitu, gauzak prestatzen zebilenean. Madrilen baliteke elur gainean lehiatu behar izatea, baina ez litzateke arazoa izango, neguan elur gainean ere entrenatu delako. Besteak beste, joan den asteburuan Aizkorri jaitsi zuen elur gainean.