Zirku artistak aretxabaletarren begiradak erakarri ditu

Zirkuko tekniketan aditua den Shakti Olaizola zirku artista izan zen atzo arratsaldean Aretxabaletako Herriko Plazan ikuskizuna eskaintzen. Uztail eta abuztuan herrian aire librean egin diren emanaldietako bat izan zen atzokoa eta ordu erdian bihurrika jardun zuen liburuak lagun hartuta.

Irakurtzen dagoen neska baten mundu bitxia ekarri zien aretxabaletarrei zirko artistak, hainbat pasarterekin osatutako istorioa hain zuzen ere. Eta mugimendua, oreka, dantza eta kontortsioa batu zituen emanaldian. Artista gustura gelditu zen egindakoarekin.

Balorazio positiboa

Uztail eta abuztuan zine emanaldien, antzerkien edota musikaren agertoki izan dira herriko hainbat txoko; Portasol, Iralabarri, San Migel edota Herriko Plaza, adibidez. Eta ikuskizunak hain justu ere, udan herrian gelditu direnengan pentsatuta antolatu ditu Udalak. Jose Miguel Uribarren Kultura zinegotziak esan du kultura sailekoak pozik daudela emanaldiek izan duten harrerarekin.

Irailean, gehiago

Irailean ere izango da zertaz gozatu herrian aire librean. Irailaren 4an bi zinema emanaldi egingo dira Herriko Plazan; arratsaldez umeendako Basalagunak filma eskainiko dute eta gauean helduendako Familia Belier ikusi ahal izango dal. Irailaren 11n, berriz, toki berean Rosa Maria Martinez ipuin kontalaria egongo da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.