Pausoka haur eskolaren ondoko lorategia eraberritu egin dute

Aretxabaletako Belorrieta auzoko lorategietako batek, Pausoka haur eskolaren ondoan dagoenak, hain zuzen ere, itxura eraberritua du. Eta dagoeneko ez da lorategi soil bat. Udalak zeren beharra zuten galdetuta, 0 eta 3 urte bitarteko umeek jolasteko gune bat eskatu zuten Pausokakoek, eta horixe da lorategian egokitu dutena. Baina ez da jolasparke arrunt bat, umeek esperimentatzeko gune bat sortu gura izan dute-eta.

Asmoa da gainera, haur eskolaren eta jolasparkearen inguruko espaloietan zirkuitu batzuk marraztea lurrean, era horretan, umeek euren sormena landu  dezaten. Irailean marraztuko dituzte zirkuituak.

Jolas parkearen erabilerari dagokionez, Pausoka haur eskolako umeek lehentasuna izango dute gune eraberrituan, baina haiek ez daudenean, edonork erabili ahal izango du.

Gainerakoak ere egokitzen

Bestalde, Aretxabaletako gainerako ikastetxeetako jolaslekuetan ere lantxoak egiten ari da udala. Kurtzebarri eskolakoari dagoeneko jarri diote hesia eta Arizmendi ikastolako Basabeazpi gunean ere hesia jarriko dute ikastetxearen aurrealdeko espazioan, umeak arriskurik gabe jolas daitezen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.