Astean hasi dituzte Deba ibaiaren ertzeko pasealekuaren lanak

Mirari Altube Arrese 2015ko mai. 20a, 17:45

Iturrizar plaza inguruko urbanizatze lanak hasi dituzte. Deba ibaiaren bazterreko ibilbidea egokituko dute hilabete eta erdian; 185 metro luze eta lau metro zabal izango dituen tartea, hain zuzen ere. Behin lanak bukatutakoan Lausitta kalean hasi eta Loramendino joango da pasealeku hori.

Ibilbidearen tarte bat asfaltatuta egongo da, eta bestea, paseatzeko egokituko dute, oinezkoendako zein bizikletendako izango da. Argiteria egokia jarriko dute gero puntu iluna ez dadin izan.

Txarapea eta Iturrizar inguruek lan handia eman dutela agintaldian onartu du Ana Bolinaga alkateak baina lanak aurrera doazela ikusita pozik agertu da: "Agintaldiko erronka izan dira lanak eta luze joan da kontua. Agintaldia horrekin hasi genuen eta horrekin bukatuko dugula jakinik pozik gaude".

Etxeen eraikitze lanak bukatu ostean egin ohi dituzte urbanizatze lanak. Oraingoan, baina, lanak aurreratu eta Iturrizar plazako etxeak bukatu baino lehen urbanizatuko dute. Horregatik Aretxabaletako alkateak eskerrak eman gura dizkio Ortuzal promozioko jabeari.

Loramendi kaletik kiroldegirainoko tartea geratuko litzateke egiteko pasealekua bukatzeko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak