Lau ardatz nagusi ditu EAJren programak: ekonomia eta enplegua sustatzea, hirigintzako plan orokorra zehaztea, aisialdirako eskaintza handitzea, eta atez atekoa kentzea. Azken horren harira zera esan zuen Elkoro alkategaiak: "herritarren artean kontsulta egingo dugu eta emaitza errespetatu. Biak ala biak, gardentasunez egingo ditugu. Ezer ezkutatu barik".
Azken agintaldiari buruz
Bestalde, azken agintaldian EH Bilduk egindaren errepasoa egin zuen, eta hori ere lau ardatzetan laburtu zuen: "inposaketa, arduragabekeria, bat-batekotasuna eta ekintzak burutzeko gaitasun eza erakutsi dute. Atez atekoa inposatu digute; kiroldegiarekin arduragabekeriaz jokatu dute; eta, Otalora kalea peatolanizatzeko erabakia bat-batean hartu dute. Gainera, aurrekontuan, %9ko soberakina izan dute. Nola da posible dirua soberan egotea krisi garaian?".
Botoa eskatu
Azkenik, ekitaldia bukatu aurretik, EAJrendako botoa eskatu zuen Unai Elkorok: "Aretxabaletako ekinez egina izan behar dela erakutsiko dugu".
