Udal eta Foru hauteskundeak 2015

"Etorkizuneko Aretxabaletaren" alde lan egiteko gogoa azpimarratu du EH Bilduk

Herri programaren ezaugarri nagusiak jendartean aurkeztu zituen EH Bilduk, Xabier Igartua alkategaia buru zuela. "Gure ondotik datozenei herri duin baten bizi ahal izateko eskubidea bermatu gura diegu", esan zuen Igartuak.

Hainbat esparrutan egin du lan EH Bilduk Udal Hauteskundeetarako programa osatzerako orduan. Eta esparru horiekin mosaikoa egin zuten herritarren artean. Arlo guztiak inportanteak izanik, "etorkizunean pentsatzen" egingo dute lan: "etorkizunerako lana egingo dugu. Ez bakarrik legealdi batera. Gure atzetik datozenei herri duina utzi behar diegu", esan zuen.

Maiatzaren 24an zer?

Udal Hauteskundeetarako espero duten emaitzaz ere berba egin zuen. "Kudeaketa eraginkorra eta ona izan dadin, gehiengoa lortu behar dugu. Gehiengoa absolutua ez da beharrezkoa kudeaketa ona egiteko, baina gehiengoa bai. Zazpi zinegotzitik gora lortu gura ditugu. Zinegotzi gutxiago emaitza txarra izango litzateke", esan zuen Igartuak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.