Atzo ezagutu zuten Aretxabaletako moneta, ezkurtxoa, 8 eta 9 urte arteko neska-mutikoek. Hiru dimentsioko inprimagailuarekin nola egiten dituzten erakutsi zieten Aretxabaletako Lanbide Eskolako kideek lehenengo eta gero hiru txanpon eman zizkieten. Aretxarteko gozoki dendetan (Kioskoa eta Arkupe) eta eskolako materiala saltzen dituzten dendetan erabili ahal izango dute (Iber, Tinta Beltza eta Atai).
Hezkuntza eta merkataritza lotu dituzte ezkurtxoen egitasmoarekin. "Umeei zuzendutako proiektua da, eta bi helburu ditu: dirua administratzen ikastea batetik, eta herriko merkataritzaren garrantziaren gainean jabetzea, bestetik", jakinarazi du Ainara Iraetak, Udaleko Parte-hartze teknikariak.
Lehen Hezkuntzako hirugarren mailako neska-mutikoei banatu dizkiete txanponak –euro bateko balioa duten bi txanpon eta bi euroko bat–. Eta harrera ezin hobea egin diete: "Lau ezkurtxotako paga jasota harrera oso ona, noski!", gaineratu du Iraetak.
Bide batez, Lanbide Eskolako tailerrak erakutsi dizkiete neska-mutikoei, eta hiru dimentsiotako inprimagailuak lanean ikusi dituzte, baita adi-adi jarraitu ere.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak