Hortik aurrera, domekara bitartean izango da bai zeregina Leintz ibarreko inguru horretan. Ekitaldi batzuk nabarmentzearren, bihar, eguena, izango da txupinazo ofiziala, 19:00etan, eta besteak beste, Anje Duhalde abeslariak kontzertua egingo du Herriko Plazan, 22:30ean.
Eliteko txirrindulariak eta pilotariak
Zapatukoen artean, berriz, badira kirol hitzordu bi kontuan hartzekoak: goizean txirrindulari lasterketa; 23 urtetik beherako elite mailako txirrindulariak lehiatuko dira proba horretan. Gauean, berriz, profesionalen arteko pilota txapelketa izango da Iturrigorri pilotalekuan. Besteak beste, Berasaluze II.ak eta Aretxabaletak eta Saralegik eta Ibai Zabalak jardungo dute, nor baino nor gehiago.
Domekara bagoaz, herri bazkariaz gainera, zezenek hartuko dute protagonismoa sokamuturra izango delako goizean eta arratsaldean.
Kulero, tanga eta galtzontzilo lasterketa
Eta beste ekitaldi bat aipatzearren, atzera egin eta egubakoitzera joko dugu berriro, goizaldera, gainera, goizeko 03:00etan kulero, tanga eta galtzontzilo lasterketa antolatu dute-eta Txosna batzordeko gazteek. Aurten, bideo promozional eta guzti.