Bizente Goikoetxea plazan elkartuta, Aramaioko kaleetan zehar kalejirara irten dira herrira gerturatutako musikari guztiak. Euskal Herriko Alboka Egunak 250 lagun bildu ditu, Irati Mujika Larreta, antolatzaileetako baten hitzetan "alboka ezagutzera emateko, gure artean elkar ezagutzeko eta instrumentua plazerrez jotzeko" eguna da.
Alboka soinuz beteriko egunak, jatekoa ere izango du, izan ere, kalejira eta gero hamaiketakoa prestatu dute, eta elkarrekin bazkaldu ostean eguneko ekitaldiekin jarraituko dute: Tik-tak ikuskizuna Imaginaciones NAIren eskutik, eta gero Besaide, Ursaria eta Intxixuren kontzertuak egongo dira.
