Ukuilu barruan egindako margolana da, baserritarra agertzen dena. "Pozik nago emaitzarekin. Eguraldi txarra iragarrita zegoenez barruko zerbait egitea pentsatuta neukan. Orain bi urte baserria kanpotik margotu nuen, eta barrua ikusi nuenez pentsatu nuen hurrengo baterako leku ona izan zitekeela", dio Azkargortak.
Erantzun polita
39 margolari aurkeztu dira lehiaketara; horietatik 4 aramaioarrak, eta 18 aramaioar gazteak. "Oso lan politak egon dira. Kanpotik etorri direnak maila handiko margolariak dira", azaldu du Ana Martiarena Kultura zinegotziak.
Epaimahai lanak egin dituzte: Richard Perez Francok –presidentea–, Alberto Belerdik, Nacho Gonzalez Calvok eta Eduardo Alsasuak. "31 urte daroa Richard Perezek Aramaioko sariketara etortzen", gaineratu du. Martiarenak nabarmendu du margolariek asko estimatzen dituztela Aramaiok txokoak.
Herritar onena
Bigarren saria irabazi du Carlos Espigak eta hirugarrena Iker Mugarrak. Herritar onenaren saria, aldiz, Jose G. Arrillagak irabazi du: "Oso pozik nago. Teknika mistoa erabili dut, grafitoa oinarri duena". Orain dela gutxi etorri zen Madrildik Aramaiora bizi izatera Arrillaga.
Gaztetxoen kategorian, irabazlea Ines Mugarri Cilla izan da; bigarrena Izar Alberdi Trejo; eta, hirugarrena Lide Abarrategi Txintxurreta.
Sastiñan egongo dira ikusgai
Lehiaketara aurkeztutako margolanak ikusteko aukera egongo da barikuan, 18:00etatik 19:30era; eta, zapatuan eta domekan, 12:00etatik 14:00etara.
