Udalak dagoeneko arautu du ur parkeak aurtengo udan izango duen ordutegia: eskolako opor egunetan, astelehenetik domekara bitartean, 11:00etatik 19:30era egongo da zabalik; eta ikasturte berria hasten denean, astelehenetik egubakoitzera 16:30etik 19:30era, eta zapatuetan eta domeketan 11:00etatik 19:30era bitartean.
Arau batzuk ezarri dituzte bertan: ezin da ez jan, ez edan; ezin da kristalezko botilarik sartu; ezin dira ibilgailuak sartu; eta ezta animaliak ere. Era berean, nabarmendu dute ur parkeko ura ez dela edangarria. Jende gehiegi pilatzen bada gunean, txandak egiteko eskatu dute udal arduradunek.
